ای پیپر
انگلش ویکلی
خصوصی
زیادہ دیکھے گئے
اوپینین پول
کیا آپ کو لگتا ہے کہ روتوراج گائیکواڑ چنئی سپر کنگز کے لیے اچھے کپتان ثابت ہوں گے؟
عام بجٹ 2016: وہ دس اہم چیزیں، جن پرعام آدمی کی رہتی ہے نظر
Tue 23 Feb 2016, 16:56:56
آئندہ مالی سال کے لئے عام بجٹ پیش ہونے میں اب چند دن کا وقت باقی رہ گیا ہے اور اس کی تیاریاں اب آخری مرحلے میں ہیں. وزیر خزانہ ارون جیٹلی پہلے ہی کہہ چکے ہیں کہ یہ بجٹ لوگوں کو لبھانے والا بجٹ نہیں ہوگا. 2016-17 کا عام بجٹ لوک سبھا میں اگلے پیر یعنی 29 فروری کو پیش کیا جائے گا. آئندہ بجٹ میں کچھ ایسے نئے منصوبوں کا بھی اعلان کیا جا سکتا ہے جس سے حکومت کو فائدہ پہنچے. اشیا اور خدمات ٹیکس (جی ایس ٹی) کی راہ کو آسان کرنے کے لئے حکومت، بہت سے اشیاء پر لگ رہے سب سے کم ٹیکس کو بڑھانے اور ایکسائز ڈیوٹی میں مل رہی چھوٹ کو ختم کرنے پر غور کر رہی ہے. آئیے جانتے ہیں، عام بجٹ سے متعلق وہ اہم دس چیزیں جن پر عام آدمی کی نظر مکمل طور ٹکی ہوتی ہیں.
1. انکم ٹیکس چھوٹ- ہر نوکری پیشہ اور چھوٹا موٹا کاروبار کرنے والا عام آدمی انکم ٹیکس میں ملنے والی چھوٹ پر بجٹ کے دوران نظریں ٹکایے رہتا ہے. امکان ہے کہ انکم ٹیکس چھوٹ کی حد میں اس بار اضافہ ہو سکتا ہے.
2. ہاؤسنگ لون پر ٹیکس چھوٹ- زیادہ تر لوگ اپنا گھر خریدنے کے لئے ہاؤسنگ لون لیتے ہیں. ایسے میں ہر کسی کو یہ امید رہتی ہے کہ ہاؤسنگ لون پر لگنے والے سود پر ٹیکس چھوٹ کی حد بڑھ جائے.
3. سونے پر اضافی خرچ - سونے پر کسی بھی قسم کی فیس لگنے سے سونا مہنگا یا سستا ہوتا ہے جو ہر کسی کو متاثر کرتا ہے. آپ کو بتا دیں کہ ہندوستان دنیا میں سب سے زیادہ سونے کا استعمال کرنے والے ممالک میں سے ایک ہے.
4. دیہات کو کیا ملا- ملک میں بہت سارے گاؤں ہیں اور حکومت آئے دن
دیہات کو نئی نئی سہولیات دینے کی بات کہتی ہے. بجٹ میں دیہات کو ملنے والی سہولتیں بھی لوگوں کی توجہ بجٹ کی طرف کھیںچتی ہیں.
5. روزگار اور کام - ملک میں آج بھی بہت سارے ایسے لوگ ہیں جو پڑھے لکھے ہونے کے باوجود بے روزگار ہیں. ان سب کو بجٹ سے ایسی اعلانات کی توقع رہتی ہے، جو ان کے لئے روزگار کے مواقع پیدا کر سکیں.
6. سستی چیزیں - بجٹ میں کئی طرح کے اعلانات ہوتے ہیں، جس کی وجہ سے ہر شخص یہ جاننے کے لئے بے چین رہتا ہے کہ ان اعلانات سے کیا کیا چیزیں سستی ہوئی ہیں.
7. مہنگی چیزیں - بجٹ کےاعلانات ہی کئی چیزوں پر فیس لگا کر انہیں مہنگا بھی کر دیتی ہیں، جس کی وجہ سے عام آدمی کی جیب پر اثر پڑتا ہے.
8. تعلیم و تکنیتی تربیت - ملک میں ایک بہت بڑا نوجوان طبقہ ہے جو تعلیم سے منسلک ہر اعلان میں خود کے لئے کچھ خاص ملنے کی امید کرتا ہے، جیسے نئے کالج، نئے پروجیکٹ وغیرہ.
9. بنیادی سہولتوں کی فراہمی- کسی بھی ملک کا تیار ہونا اسکے انفراسٹرکچر پر منحصر ہے، ایسے میں انفراسٹرکچر سے منسلک اعلانات پر نظر بنائے رکھنا عام آدمی کے ساتھ ساتھ تاجر طبقے کے لئے بھی بہت ضروری ہے.
10. غیر ملکی سرمایہ کاری - غیر ملکی سرمایہ کاری ملک میں آنے سے بہت سارے فوائد ہوتے ہیں تو بہت نقصان بھی. ایک طرف انفراسٹرکچر کو فروغ ملتا ہے، تو دوسری طرف بڑے بڑے شاپنگ مال کھلنے سے چھوٹے تاجروں کو نقصان بھی ہو سکتا ہے. ان سب کے لیے ایف ڈی آئی پر سب کی نگاہیں رہتی ہیں.
از قلم : محمد کریم عارفی
اس پوسٹ کے لئے کوئی تبصرہ نہیں ہے.
خصوصی میں زیادہ دیکھے گئے
Indian Rupee Converter